大家一定係各大萬寧、屈臣氏等地方見過呢只NIVEA 藍色Cream，但其實，呢只cream近排係日本女仔之間好流行！佢雖然好平，但添加嘅保濕成分卻好有效。依家就話你知佢嘅7大用法，簡單用出水嫩肌膚！

#同嬰兒潤膚油混合

其實小編自己就都有用過佢嘅，但嗰陣時講真未覺幾好用，覺得佢好油啦，又唔係好易推開。但其實唔曬擔心，有好辦法解決嘅。就係同嬰兒潤膚油7：3混合，之後搽係身體乾燥處，咁樣吸收快，吸收之後都唔會覺得黐黐地。

#作為塗抹式面膜

其實NIVEA 面霜仲可以當面膜咁使用。將NIVEA 面霜厚厚地搽滿成塊面，敷20分鐘，之後用清水沖掉，之後再搽乳液、面霜就好。都可以係浸浴嘅時候搽，補水效果會更加好。

#免洗式護髮膜

我哋髮尾好容易枯燥分叉，呢個時候就可以用NIVEA 面霜嚟保護我哋嘅秀髮啦。洗完頭後，係髮尾均勻搽上一層NIVEA 面霜，之後再吹頭，髮尾就會變得好有光澤了。留意唔好搽太多。

#作為保濕唇膜

同前文提到嘅面膜一樣嘅原理，其實NIVEA 面霜仲可以搽係嘴唇上，可以當唇膜使用。尤其係浸浴前搽係唇上，之後冲洗，再搽上護唇產品，就可以了。

#對抗手指開裂、毛刺和腳底皮膚開裂

因為呢款面霜真係好油，純粹作為面霜或者身體乳可能很多人覺得唔舒服，但佢用嚟搽龜裂嘅手指同腳底就啱啱好。當然同時配合補充多啲維他命B就可以防止討厭嘅毛刺同開裂啦。

#混合粉底使用

有時我哋嘅粉底會唔係好滋潤，好似吸緊面上嘅油脂咁，呢個時候就最好用NIVEA 面霜混合粉底液，或者係上妝之前先搽一層面霜，再上妝，妝容就會非常貼服，唔容易卡粉。仲可以保持滋潤，令皮膚無咁易出油，同脫妝。

#卸妝

都係利用NIVEA 面霜嘅油份含量高，佢都可以用來卸妝架。小編尤其鍾意先用卸妝產品卸一次妝，跟住在用NIVEA 面霜搽滿成塊面，保持1-2分鐘，用清水沖洗至無油膩感。之後再洗面，就可以卸得超乾淨啦！

所以，平野自有平野嘅豐富用法！如果你生活中仲有咩使用藍罐NIVEA 面霜嘅小貼士，就係fb留言話比我哋知啦！

Source：今日頭條_名揚bolin